Венгрия ұлттық құрамасы мен алматылық «Қайраттың» жартылай қорғаушысы Акош Элек Қазақстанға (2:3) қарсы жолдастық матч туралы пікірін айтты.
– Қазақстан жақсырақ ойнады және ол жеңіске лайық болды. Оларды құттықтаймын. Бірінші минуттан ойынға еніп  кете алмадық. Гол жіберіп алған соң, ұйымшыл ойнап, матчты бақылауда ұстауға тырыстық. Бірақ, өкінішке қарай, үшінші голды жіберіп алдық. Қонақтардың жеңіске жеткеніне таңғалмаймын. Қазақстан құрамасы – жоғары деңгейлі ойыншылары бар мықты команда. Оларға алдағы матчтарда сәттілік тілеймін, - деді Элек.