Қызылордадан 13 спортшы қатысады
Индонезияның Джакарта қаласында өтетін XVIII жазғы Азия ойындарына Қызылорда облысынан 13 спортшы қатысады, деп хабарлайды «Egemen.кz» тілшісі. Олар: байдарка және каноэде есуден Мерей Миербеков, каратэ-додан Мөлдір Жаңбырбай, таеквондодан Айнұр Есбергенова, белбеу күресінен Арайлым Ханзада, Нұрлыбек Алдабергенов, стенд атудан Максим Коломоец, гандболдан Дана Әбілда, Мария Пупченкова, Татьяна Давыдова, Наталья Ильина, Жаннат Әйтенова, Виктория Колотинская, Вероника Хардина. Төрт жылда бір өтетін Азия ойындарын негізінде Азия құрлығында тұратын мемлекеттердің Олимпиада ойындары десе де болады. 462 медаль жиынтығы сарапқа салынады. Қазақстан бұл айтулы жиынға 419 спортшысын дайындаған. Олар жарыстың 38 түрі бойынша шеберлік сынамақ.
