Бұл жайында Испанияның AS басылымы жазды. «Корольдік клуб» португалдық ойыншыны сататындай, болмаса футболшының өзі команда ауыстырғысы келетіндей жағдай туа қалса, ұсыныс білдіруге асыққан командалар жетерлік екен. Соның ішінде үш клуб ерекше ықылас танытуда. Оның бірі – Лондонның «Челси» командасы деген деректер де бар. Жақын күндері үш клубтың бірі Роналдуға қатысты ресми ұсыныс жасап көрмек екен.

Роналду мадридтік клубтың өзгертілген жаңа келісімшартын күтуде. Егер 4-5 аптаның ішінде ойыншының көңіліне қонымды өзгертілген жаңа келісімшарт ұсынылмаса, команда ауыстыруға ниетті көрінеді.

Айта кетейік, осыған дейін батыстық басылымдар Роналду «Реалдан» өзін өзге командаға сату туралы айтқанын жазған болатын. Кей басылымдар футболшы клуб президенті Флорентино Переспен дүрдараз екенін де жазуда.

Роналду «Реал» сапында 2009 жылдан бері ойнап келеді. Командамен қазіргі келісімшарты 2021 жылдың жазында аяқталады.