Барселона ФК шабуылшысы Лионель Месси тарихтағы ең жоғарғы жалақы алатын футболшы атанды. Жаңа келісімшарт бойынша Аргентиналық шабуылшы жыл сайын 104 млн еуро алатын болды. Ал салық төлеген жағдайда Мессидің жалақысы жылына 50 млн еуродан асып отыр. Бұл да әлемдік рекорд. Мәселен, бразилиялық футболшы Неймар жылына 36,8 млн еуро алады. Сонымен қатар, 2018 жылдың қаңтар айына дейін қытайлық «Шанхай Шеньхуа» клубында өнер көрсеткен Карлос Тевес 38 млн еуро алған. Месси 2004 жылдан бері «Барселонаның» негізгі құрамында ойнап келеді. Бұл клубтың сапында ол 8 рет Испания чемпионы, 5 рет - Испания Кубогының иегері, 4 рет - Чемпиондар Лигасының жеңімпазы болды. Бұдан басқа, ол әлемнің үздік футболшысы ретінде «Алтын допты» бес рет жеңіп алды.