Өткен жылы есімі ерекше еленген Еркебұлан Сейдахмет Еуропаны шарлап, Қазақстанға қайта келді. "Уфада" бір жыл өнер көрсетіп, "Левскиде" жарты маусым доп тепкен қазақ Мессиі трансфер науқанында "Қайратпен" келісім шарт жасасты. 19 жастағы Еркебұланның Еуропадан қай деңгейде оралғанын Ел біріншілігінде байқайтын боламыз. Дарынды футболшыға баланған Еркебұлан алматылық ұжымда алдағы 3 жылда доп тебеді деп күтілуде. Бір қызығы  "Қайрат"  клубының дәрігерлері медициналық тексеру барысында 19 жастағы жас шабуылшының денсаулығына байланысты мәселелерді анықтаған. Шетел асқалы жас шабуылшыны жарақат жиі мазалап жүргенінен хабардармыз.