Индонезияның Соло қаласында шахматтан 20 жасқа дейінгі жастар арасында өткен Азия чемпионатында Сыр спортшылары 2 алтын, 1 қола медаль иеленді. Жерлесіміз Әсел Серікбай осы сайыста Азия чемпионы атанды.

Классика бойынша сынға түскен Əсел Серікбай Азия чемпионы атанып, халықаралық ФИДЕ шеберін орындады. Ал Назерке Нұрғали блицтен алтын алса, рапидтен қола жүлдені еншіледі. Байрақты бәсекеге Сұлтан Аманжол да қатысып, шеберлігін шыңдады. Айта кетейік, Қазақстанның атынан қызылордалық шахматшылар ғана өнер көрсетіп, ел қоржынына 3 медаль салды. Биыл қазанда Үндістанда өтетін Əлем чемпионатына жастар арасында Əсел Серікбай мен Назерке Нұрғали қатысса, жасөспірімдер арасында Сұлтан Аманжол бақ сынайды.