Уругвайлық шабуылшы Эдинсон Кавани ПСЖ футбол клубы тарихындағы ең үздік сұрмерген атанды. Футболшы Франция чемпионатының ХХІІІ тур ойындарындағы "Монпельеге" қарсы кездесуде команда сапындағы 157-голын соқты. Эдинсон Кавани Златан Ибрагимовичтің рекордын жаңартты. Швециялық шабуылшы ПСЖ клубында 156 гол соққан. Қазір ол ағылшынның "Манчестер Юнайтед" клубында ойнап жүр. Уругвайлық футболшы ПСЖ клубы сапында 2013 жылдан бері ойнап келеді.