ҚИЯНДАҒЫ КОРЕЯҒА 57 ЖОЛДАМА
Төртжылдықтың басты додасы Оңтүстік Кореяның Пхенчхан қаласында өтетін Олимпиада ойындарына Қазақстан құрамасы 57 жолдама жеңіп алды Бұл туралы ҚР Спорт комитетінің баспасөз қызметі ресми түрде хабарлады. Ұлттық құраманың Олимпиадаға жеңіп алған жолдамалар саны толығымен анықталды. Қазіргі уақытта құрама еншісінде 57 жолдама бар. Олар биатлоннан – 10, мәнерлеп сырғанау – 3, шорт-трек – 12, конькимен сырғанау – 12, шаңғы жарысы – 7, фристайл-могул – 4, фристайл-акробатика – 5, тау шаңғы спорты – 2, трамплиннен секіру – 1, шаңғы спорты – 1. Алғашқы болып Олимпиада қалашығына биатлонистер кіреді. Естеріңізге сала кетсек, ХХІІІ Қысқы Олимпиада ойындары 9-25 ақпан аралығында Оңтүстік Кореяның Пхёнчхан қаласында өтеді. Оған 95 мемлекеттен 2 900 спортшы мен ресми өкілдер қатысады деп жоспарлануда.
