Банк өкілдерінің мәліметінше, қазіргі уақытта техникалық ақауды жоюмен мамандар жұмыс істеп жатыр.

«28 қазанда Kaspi.kz қосымшасында техникалық ақаулар болды. Қосымша істен шығу нәтижесінде клиенттердің шоттарындағы қаражат дұрыс көрсетілмеді. Өкінішке қарай, карталармен төлеу, банкоматтардан ақша алу немесе картаға ақша жіберу, төлемдер мен аударымдар уақытша мүмкін болмай тұр. Компания ақауды жою үшін жұмыс істеп жатыр», ­– деді Kaspi.kz өкілі.

Банк басшылығы әлеуметтік желіде тарап жатқан қауесетке сенбеуге шақырды.

«Ешқандай кибершабуыл болған жоқ, клиенттердің ақшасы сақталады, ақау жойылғаннан кейін қосымшада шоттағы ақша дұрыс көрсетіледі», – деді Kaspi.kz өкілдері.