Қосымшаның жаңа нұсқасының ескісінен тек түсінде айырмашылық бар. Енді Getcontact сары болды, деп хабарлайды Вaq.kz ақпарат агенттігі.

Қазақстанда Getcontact қосымшасы қайтадан іске қосылды. Оның ескі нұсқасының түсі көк болатын.

Еске сала кетейік, 9 ақпанда Ақпарат және коммуникациялар министрлігі GetСontact қосымшасына қолжетімділікті шектеді. Себебі, аталған қосымша «Жеке деректемелер және оларды қорғау туралы» заңды бұзған

GetContact Қазақстанда аз уақыт ішінде танымал болып, әлеуметтік желілерде кеңінен талқыланды. Ол арқылы кез келген адам қосымшаға өз телефон нөмірін жазып, басқа қолданушылар нөмірін қандай атпен сақтап қойғанын білуге болады.