» » ҚОҒАМ ҮШІН ҚАЖЕТТІ БАСТАМА

ҚОҒАМ ҮШІН ҚАЖЕТТІ БАСТАМА

 Сырдария ауданы әкімдігінің мәжіліс залында ҚР Жоғары Соты төрағасының кеңесшісі С.Сүлейменнің қатысуымен «Сотсыз татуласу орталығын» құрудың тиімділігін түсіндіру мақсатында жиын өтті. Жиналысты аудан әкімінің орынбасары Б.Өтегенова ашып, жүргізіп отырды, деп хабарлады аудан әкімінің баспасөз қызметі.
Жиналысқа "Нұр Отан" партиясы Қызылорда облыстық филиалы төрағасының бірінші орынбасары И.Құттықожаев, аудандық сот төрағасы А.Абдулла, аудан прокуроры А.Тәженов, аудан әкімі аппаратының басшысы Д.Байдушев, "Нұр Отан" партиясы аудандық филиалы төрағасының бірінші орынбасары Е.Жақып, аудан әкімдігіне қарасты бөлім, мекеме басшылары, үкіметтік емес ұйым төрағалары мен мүшелері және БАҚ өкілдері қатысты.
Жиын барысында ҚР Жоғары Соты төрағасының кеңесшісі С.Сүлеймен пилоттық жобаның мақсаты, халық үшін тиімділігі туралы баяндама жасады.
«Ел ағалары қолдау көрсетеді деген сеніммен, жаңа жобаны осында бастауды жөн көрдік. Жоба нәтиже беріп, бір ізге түсетін болса басқа да өңірлерге таратпақшымыз. Бұл бастаманың еліміз үшін маңызы зор, өйткені қазіргі таңда болмашы дау көптеген жылдар бойы шешілмей, қып-қызыл шығынға ұшырайтын жағдайлар жиілеп барады. Дегенмен, жақсы тәжірибеміз де аз емес. Сотсыз-ақ, бітімгершілікпен көп мәселені шешуге болады. Мұндай тәжірибені кеңінен қолдану қажет», - деп атап өтті Сағатбек Сүлеймен.
Жиында сонымен бірге, еңбек ардагері А.Бахтиярова, аудандық қоғамдық кеңес төрағасы М.Омаров, ардагер-ұстаз Г.Әбіловалар сөз сөйлеп, ҚР Жоғары Соты тарапынан көтерілген бастаманы қолдайтындықтарын жеткізді.
26 ақпан 2018 ж. 925 0

PDF нұсқалар мұрағаты

46-375

19 қараша 2020 ж.

45-374

12 қараша 2020 ж.

44-373

05 қараша 2020 ж.

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031