АЛМАТЫЛЫҚ ТАНЫМАЛ КОНДУКТОР
National Geographic әлемдік ғылыми-танымдық журналдың ресми Instagram-аккаунтында қазақстандықтарды даурықтырған №25 алматылық автобустың фотосы жарияланған. Күнделікті бір сарынмен жұмысқа шыққан Есенбеков шетелдік фотограф Шоул Шварцтың объективіне түсетінін білмеген. Фото 15 миллион тұрақты жазылушысы бар National Geographic Instagram-аккаунтінде жарияланды. Бар қызық содан басталды. «Интернеттегі фотомды қарындасым көріп, маған айтты. Әрине, бұл қызық жағдай болды, не дерімді де білмей тұрмын. Маған енді барлығы қоңырау шалып, cмс жазып, фотоны көргендерін айтуда. Ал мен болсам шыны керек, мені түсіріп алған сәтті байқамаппын», – дейді Есенбеков.
