ҚР Парламент палаталарының бірікке отырысында Елбасы «Президенттің 5 әлеуметтік бастамасы» атты Үндеуін ұсынды. Бұл бастамалардың жүзеге асырылуы еліміздің әрбір азаматы үшін маңызды. Әдеттегідей жастарға ерекше көңіл бөлінген. 2018-2019 оқу жылында жастардың білім алуына бөлінетін 20 мың грант пен 2020 жылдың соңына дейін салынатын 75 мың орынды жатахана білім алушы жас ұрпақты ізденіс жолына жетелеп, Қазақстан экономикасына үлкен серпін беретін білікті мамандар даярлауға үлес қосатыны анық. Жастар инженер, ақпараттық технология, робот техникасы мамандықтарын меңгеру арқылы «Цифрлы Қазақстан» бағдарламасының орындалуына үлес қосатын болады. Сонымен қатар тұрғындарды баспанамен қамтуға бағытталған «7-20-25» бағдарламасы да жас мамандар үшін үлкен мүмкіндіктер туғызады. Жастарға жыл сайын жасалатын жан-жақты қолдаулар елдің ертеңі мен ұлт болашағы үшін атқарылып жатқан жұмыстар деп білуі қажет. Елеулі кезеңде Елбасы қолдаған ел жастары елдің ертеңі үшін еңбек ете бермек.