Көлік басқарған әжей жұртты тәнті етті
Жасы 70-ті алқымдаған атыраулық Нәсіп Төлегенова өз қатарластарынан ерекшелігі - әлі күнге дейін көлік жүргізіп, мал шаруасымен айналысады, немерелерін мектепке тасымалдайды деп хабарлайды Ақжайық басылымынасілтеме жасаған NUR.KZ.Қазір Исатай ауданы, Жанбай ауылында әжей алғаш рет көлік үйренуді мотоцикл айдаудан бастаған екен.
"Үйдегі шаруашылыққа пайдаланып жүрген иж мотоцикліміз болды. Алғашында соны үйреніп ауылдан құжатын оқып алдым. Одан кейін қаладан өзімнің атағыма «Лада 2121» көлігін сатып алып, емтихан тапсыру арқылы құжатымның санатын жаңғырттым. Содан бері рөлден түскен емеспін. Келіндерімді аудандық ауруханаға, немерелерімді мектепке апарамын, той-садақаға көлігіммен барамын, бәріне үлгеріп жатырмын", - дейді Нәсіп әжей.
Мотор жинаушы, слесар, орақ қайраушы болып әртүрлі қызметтер атқарған Нәсіп әженің бүгінде бес ұлы, екі қызы, 20 немересі бар.
Сонымен қатар әжей өзінің келіндерінің де көлік жүргізгенге қарсы еместігін, ешкімге күнің түспейтінін айтады.
https://youtu.be/M11t20EoSg8
