Тұтынушылардың құқықтарын қорғау департаментінің басты міндеттерінің  бірі – ішкі сауда нарығы айналымындағы өнімдердің қауіпсіздігіне бақылау жүргізу. Осы мақсатта өткен жылы өнімдердің қауіпсіздігін мониторинг жасау шеңберінде 168 сауда орынынан өнімдердің 2226 сынамасы сатып алынды. Сынаманың 86%-ы  (1915) тағам өнімдері, балаларға арналған өнімдер 8, парфюмерия-косметикалық 45, тұрмыстық  химиялық заттар 44, жеке қорғаныс заттар 59,  темекі өнімдері 6 және 3 сынама антифриз болған.

БАҚ өкілдеріне арналған брифинг барысында Қызылорда облысы Қоғамдық денсаулық сақтау департаментінің басшысы  Ұлболсын Аханаева  зерттеулердің қорытындысы сәйкес келмеген  сынаманың 79%-ы тағам өнімдерінің 3 сынама жеңіл өнеркәсіп өнімдері, 7 сынама балаларға арналған ойыншықтардан анықталған. Кемшіліктерге сәйкес 16 нысанға халықтың санитарлық-эпидемиологиялық заңнамасының талаптарын бұзуды жою жөніндегі нұсқамалар берілген.