Былтырғы бюджеттің атқарылуы туралы мәліметке сүйенсек, жергілікті бюджет  99,7 пайызды құрады. Есепті кезеңде «Қазынашылық-Клиент» ақпараттық жүйесінде мемлекеттік мекемелердегі қаржының мақсатты жұмсалуын қадағалап, олардың атқарылуы жөніндегі операцияларды жүргізу барысында  Қызылорда облысы бойынша қазынашылық департаменті арқылы 2017 жылы барлығы  422296 қаржылық құжат қабылданып, оның  411553-і  орындалды, сондай-ақ, 10743-і  ресми  хат  арқылы орындаусыз кері қайтарылды. Ол жалпы қабылданған қаржылық құжаттардың  2,5 пайызын құрайды. Бұл туралы өнірлік коммуникациялар қызметінде өткен брифингте Қызылорда облысы бойынша Қазынашылық  департаментінің басшысы Әуезбек Дүйсенбаев мәлімдеді.