Елбасының «Болашаққа бағдар: рухани жаңғыру»  негізінде  «Мәңгілік Ел: Ұлттық идеяны қазақтың ұлттық ойындары арқылынасихаттау» тақырыбында №7 мектеп-лицейінде қалалық семинар өтті. Оған қалалық білім бөлімінің басшысы Ақарыс Нұрсейітов, әртүрлі мектептен келген мұғалімдер және журналисттер қауымы қатысты.

Бұл жиынның негізгі мақсаты – жас ұрпаққа ұлттық дәстүрді таныстырып, әдет-ғұрпымызды құрметтеу, патриотизмге тәрбиелеу. Сонымен қатар ұлттық ойындарды дәріптеу арқылы ұлттық құндылықтарды ұрпақ бойына сіңіру. Шара барысында «100 кітап»,  «Көшбасшы»,  «Қазақ әндері», «Туған елге тағзым» жобалары бойынша кітап және этноауыл көрмесі ұйымдастырылды. Оқушылар салт-дәстүрлерге байланысты көріністер қойды. Сонымен қатар мектеп ауласында бірнеше ұлттық ойындар түрінен жарыс ұйымдастырылды. Шара соңы мерекелік концертке ұласты.