2017 жылдың IV тоқсанында Қазақстанның сыртқы қарызы 1,4 млрд долларға қысқарды, деп хабарлайды Baq.kz ақпарат агенттігі Ұлттық банк баспасөз қызметіне сілтеме жасап.

2018 жылдың 1 қаңтарында Қазақстанның сыртқы қарызы 167,5 млрд доллар болды. Сыртқы қарыздың ЖІӨ-ге қатынасы 2,9% жақсарып, 105,9%-ды құрады.

Қаржы нарығын реттеушілер қарыздың азаюына ірі өндіріс компаниялары инвесторларының алдын ала жіберген дивидендтерді төлеуі және еншілес компаниялардың сыртқы қарызды жабуымен байланысты.

Мемлекет басқаратын ұйымдардың сыртқы қарызы 1 млрд долларға өсіп, жалпы 27,4 млрд долларды құрады. Сондай-ақ, Қазақстанның таза сыртқы қарызы 2 млрд долларға өсіп, жалпы 45,7 млрд долларға жетті.

Ескерту!

Baq.kz сайтында жарияланған авторлық материалдардың барлық құқықтары қорғалған және ақпарат агенттігінің меншігі болып табылады. Көшіріп басу редакцияның рұқсатымен жүзеге асады. Материалды көшіріп басу кезінде Baq.kz сайтына төте сілтеме көрсету талап етіледі.