Бүгін елімізде атмосфералық ағындардың өтуіне байланысты солтүстік өңірдің кей жерлері жауын-шашынды болады. Ал елдің оңтүстік бөлігінде жауын-шашынсыз ауа райы болжанады, деп хабарлайды Baq.kz ақпарат агенттігі Қазгидрометке сілтеме жасап.

Еліміздің кей жерлерінде жел күшейіп, тұман түсіп, оңтүстік және шығыста найзағай ойнайды.

Алматы облысының Жалаңашкөл ауданында желдің жылдамдығы 20-25, екпіні 30 м/с-ге дейін жетеді.

Ақмола, Қызылорда, Оңтүстік Қазақстан, Жамбыл, Павлодар облыстарының кей жерлерінде жел 15-20 м/с-ге күшейеді.

Қарағанды, Маңғыстау, Батыс Қазақстан облыстарының кей жерлерінде - тұман түседі.

Шығыс Қазақстан облысының кей жерлерінде тұман түсіп, желдің жылдамдығы 15-20 м/с-ге, екпіні 25 м/с-ге дейін жетеді.

Атырау облысының кей жерлерінде тұман түсіп, көктайғақ болуы мүмкін.

Ақтөбе облысының кей жерлерінде тұман түсіп, желдің жылдамдығы 15-20 м/с-ге жетеді.

Солтүстік Қазақстан, Қостанай облыстарының кей жерлерінде тұман түседі, көктайғақ болады, жел 15-20 м/с-ге дейін жетеді деп болжанады.