Ә.Тәжібаев атындағы облыстық әмбебап ғылыми кітапханада  23 сәуір – дүниежүзілік кітап және авторлық құқықты қорғау күніне орай «Kitap Fest – 2018» кітап фестивалі өтті.

Аталмыш шара кітапхана алаңында «Бәрі кітаптан басталады» атты флешмобпен басталып, Қорқыт ата атындағы ҚМУ-дың профессоры, К.Садуақасқызы, ақын Р.Наурызбаева  кiтап фестивалiнiң ашылуында сөз сөйледі. Кітапхана алаңында  «Ғажайып кітап әлемі» және  «Жыл кітабы – 2018» кітап көрмелері ұйымдастырылып, жас ақындар шығармашылығы насихатталды. Сондай-ақ «Кітап әлемді бағындырады» атты алаңда «100 жаңа есім» жобасының жеңімпаздары  С.Әбдірахманова және ауылшаруашылық ғылымдарының докторы А.Николаевич жетістікке жету құпиясымен бөлісті. Сондай-ақ балаларды сергіту мақсатында «Даналық ағашы», «Білім ұясы», «Ұтыс кімге бұйырады?» тақырыбында интеллектуалды ойындар ойнатылып, жеңімпаздар бағалы сыйлықтармен марапатталды.