Бұл туралы НТК арнасының “Ревю” бағдарламасында айтылды.

Таяуда ғана Ибрагимовтың репертуарын толықтырған дәл осы ән! Аталмыш тың тректің таралуын тездеткісі келді ме, әнші желі де #ҚысқаКимешіҚарындас атты хэштегпен флешмоб ұйымдастырыпты.

Біткен іске сыншы көп! Серіктің жаңа әнін жақтырмай жатқандар да жетерлік екен.

“Сөзінің мағынасын, мәнін бірден айтып тұрған шығар «Қысқа кимеші, қарындас» деп. Мұның мағынасы, мәні жоқ қой деп шығатындар бар ғой. Ондай кісілер табылады міндетті түрде. «Бес саусақ бірдей емес қой», – деді Серік Ибрагимов.

Иә, Серіктің үндеуіне наразы нәзік жандылардың бірі – КАлия! Әнші бикеш бұл тақырып аясында, әлеуметтік желіде ауқымды пост та жазыпты.

“Қоғамдық мәселе көтеремін десең, айтатын өте көп нәрсе бар. Зорлық-зомбылық, тастанды балалар, жалғызбасты аналар… Мүгедектердің де мәселелерін де көтеруге болады. Қоғамдық мәселелердің ішінде, қысқа көйлекті таңдағаны мен үшін өкінішті”, – дейді әнші Калия.

“Біздікі шамамыз келгенше, қолымыздан келген дүниені жасау ғой. Қалғаны өздерінің саналарында, өздерінің ой-еріктерінде деп ойлаймын”, – дейді Серік Ибрагимов.

Бұл бастаманы жігіттер қауымының көбі қолдап, ғаламторда белсенділік танытуда. Қазақ қыздарының қысқа киім кигенін, қаламайтындардың қатарында, Қайрат Түнтеков те бар!