Жедел ішек ауруларының алдын алу үшін

  Ішек инфекциясы – патогендік вирустар немесе бактериялардан туындаған ауру (асқазан-ішек, сальмонеллалар, стофилокк, іш сүзегі, холера, вибрио) асқазан-ішек жолдарының шырышты қабатына әсер етеді. Адам ағзасына еніп, ішек инфекцияларының қоздырғыштары белсенді түрде көбейе бастайды. Нәтижесінде ас қорыту процесі бұзылады және ішектің шырышты қабынуы пайда болады. Іштің жиі-жиі судай өтуі, дене қызуының көтерілуі, емшектен бас тарту, асқа тәбеті болмау, шөлдеу, құсу, бас ауру, жалпы әлсіздік, селқостық, мазасыздық, ауырсыну, дәретіне қан қоспасының немесе кілегейдің пайда болуы. Науқаста қайталамалы құсық, іш өткен сайын баланың жағдайы ауырлай түседі. Өйткені, организм өзіндегі тіршілікке қажетті су мен тұздарды көп жоғалтады. Жоғарыда аталған клиникалық белгілер пайда бола бастаса, дәрігерге көріну керек. Мұндай кезде дәрігер келгенше немесе жеткенге дейін біраз уақыт кетеді. Сондықтан мүмкіндігінше ем жасай бастаған жөн. Ол үшін сұйықтықты мол, көбірек ішкізген жөн. Өздігінше емделу аурудың асқынуына әкеліп соғуы немесе созылмалы формаларына ұласуы мүмкін. Антибиотик қабылдау сырқаттың клиникалық сипатын өзгертеді, мұның өзі дұрыс диагноз қоюды қиындатады.

Ішек инфекцияларының пайда болуының алдын алу үшін тағамдық азық-түліктердің жарамдылық сапасы өте маңызды – көптеген тағамдарда бактериялар тек қана өміршеңдігін сақтап қана қоймай, олар ауру тудырушы қасиетімен адамның қолымен тағамды аузына апарғанда асқазан-ішек жолына кір қолы арқылы, ластанған су арқылы, сапасыз азық-түліктер арқылы түсіп, қарқынды түрде көбейеді. Өнімдердің жақсылап қуырылуы мен қайнатылуына көңіл бөліңіз. Етті қайнатқанда ірі кесек жасамай 1 сағаттан кем емес, жұмыртқаны 15 минуттан кем емес қайнату керек (осы уақыт аралығында сальмонеллалар толығымен жойылады). Жұмыртқаны шикі немесе шала қайнатылған күйінде қолданбаңыз.

Тазалықты сақтаған өте маңызды. Әсіресе қолды қайта-қайта сабындап жуған абзал. Себебі айналамызда микробтар қоршалған, олардың арасында әр түрлі өткір ішек инфекцияларының патогендері бар. Егер аурудың алғашқы белгісі байқалса, уақытында дәрігерге қаралу және білікті маманнан кеңес алу керек.

Айна Мұхамбетова, 

облыстық жұқпалы аурулар

 ауруханасының бас дәрігері

Инфекция көздері ЖІИ:

  – Сапасыз тамақтану және ауыз су;

– жеке гигиена ережелерін сақтамау;

– лас қол, лас ойыншық;

– сақтауды және тамақ шарттарын бұзу;

– жәндік-тасымалдаушылар;

– Ластанған топырақ немесе құм;

– ауру адаммен байланыс;