Отпен ойнама, балақай!
Қызылорда облысының төтенше жағдайлар департаментінің арнайы тапсырмасы бойынша дайындалған "Отпен ойнама, балақай!" мультфильмі көрерменге жол тартты. Мультфильмнің желісі бойынша балалардың сіріңкемен ойнауының нәтижесінде өрт шығып, оқиға орнына жедел жеткен өрт сөндірушілер өрттің таралуын тоқтатады. Балаларға қауіпсіздік қағидалары жөнінде айтылады. Аталмыш мультфильмнің суретші-мультипликаторы, «Қазақстанның 100 жаңа есімі» жобасының жеңімпазы – Сымбат Әбдірахманова. Ал, идеясы мен сценарийінің авторы – Қызылорда облысының ТЖД бас маманы Айгүл Нұрманова.
