Индонезияда ХVIII жазғы Азия ойындары өтіп жатқанын жазған болатынбыз. Байрақты бәсекеде Қазақстан спортшылары да бақ сынауда.

ҚР ҰОК хабарлағандай, Азия ойындарындағы балуандар бәсекесі мәресіне жетуге жақын. Грек-рим күресінен ел намысын қорғап жатқан атлеттер арасынан Нұрмахан Тінәлиев финалға шықты. 130 келі салмақта белдесетін ол іріктеу сындарынан сүрінбей өтті. Нұрмахан ширек финалда Индонезия балуанынан басым түссе, жартылай финалда Жапония спортшысын тізе бүктірді.