Астананың 5 мектебі мен 3 колледжі пилоттық режимде латын әліпбиіне көшіріледі. Бұл туралы Тамыз кеңесінде Астана қаласының Білім басқармасы басшысы Әнуар Жанғозин мәлімдеді. Айтуынша, Астанада мемлекеттік тілді дамытуға бағытталған жаңашыл сынып ашу көзделуде. Жобаның идеясы орыс тілінде білім алатын сыныптарды кезең-кезеңмен мемлекеттік тілдегі сыныпқа айналдыру. Осы мақсатта Астана әкімінің тапсырмасымен №60 мектеп-лицейі негізінде ашылады. Сондай-ақ қыздарға арналған «Білім инновация» лицейінде енгізіледі. «ЖАЛПЫ, АСТАНА ҚАЛАСЫ БІРІНШІ БОЛЫП БАРЛЫҚ ПИЛОТТЫҚ ЖОБАҒА ҚАТЫСАДЫ. БІЗДІҢ ҰСТАЗДАР ӘРБІР ӨЗГЕРІСТЕР МЕН ЖАҢАШЫЛДЫҚҚА ТЕЗ БЕЙІМДЕЛЕДІ. ОСЫ ЖЫЛЫ ЕЛОРДАЛЫҚ БІЛІМ ОРДАЛАРЫНДА ЖҮЗЕГЕ АСЫРЫЛАТЫН БІРНЕШЕ ПИЛОТТЫҚ ЖОБА БАР. МЫСАЛЫ, ЭЛЕКТРОНДЫҚ ОҚУЛЫҚТАРДЫ ПАЙДАЛАНУ ЕКІ МЕКТЕПКЕ ЕНГІЗІЛЕДІ. АСТАНАНЫҢ 5 МЕКТЕБІ МЕН 3 КОЛЛЕДЖІ ПИЛОТТЫҚ РЕЖІМДЕ ЛАТЫН ӘЛІПБИІНЕ КӨШІРІЛЕДІ» ДЕДІ ОЛ.