БАЛАЛАРҒА БАЗАРЛЫҚ
Қаламыздағы "Ақ отау" мейрамханасында бүлдіршіндерге арналған қайырымдылық шарасы өтті. Шараны облыстық жастар саясаты мәселелері басқармасы және "Жастар ресурстық орталығы" КММ-сі ұйымдастырды. Оған "Ақ отау" мейрамханасының басшылығы да қолдау білдірген. Жаңа жылдық ертеңгілікке тұрмысы төмен отбасынан 150 бүлдіршін қатысты. Белсенді жастар мен "Ұлағат ұландары" ҚБ-нің мүшелері түрлі ойын ойнатып, жаңа жылдық сыйлық табыстады. Шара жергілікті өнер жұлдыздарының қатысуымен концерттік бағдарламаға ұласты.
