Бұл туралы Stan.kz ақпараттық агенттігі E-karaganda басылымына сілтеме жасап хабарлайды.

Әкіммен бірге бір автобусқа отырған жолаушылар оны видеоға түсіріп, желіде жариялаған.

Әкімдіктегілер Нұрлан Әубәкіровтің таңғы сағат 8-де “Сортировка” ықшам ауданынан автобусқа отырғанын айтты. Арада жарты сағат өткен соң әкім ең соңғы аялдамадан түскен.

Жергілікті БАҚ өкілдерінің хабарлауынша, 1 қазаннан бастап аталған маршрут бойынша автобустардың бағыты өзгереді.

Әубәкіров автобустардың санитарлық жағдайы мен жүру жиілігін бақылау мақсатында қоғамдық көлікке отырған. Оған Қарағанды облысының әкімі Ерлан Қошанов осындай тапсырма берген. Ол жергілікті биліктің қызметіне наразылық білдірген еді.