1 қазаннан бастап не өзгереді?
Қазақстандықтарды теңгемен ашылған депозиттердің мөлшерлемесі, тұмауға қарсы екпе бойынша өзгерістер күтіп тұр, ал кәсіпкерлер кассалық аппараттарды ауыстыруға мәжбүр болады. Теңгемен ашылған депозиттің мөлшерлемесі өзгереді
Қазақстанның депозиттерге кепілдік беру қоры жеке тұлғалардың ұлттық валютадағы жинақ және жедел салымдары бойынша жаңа шекті сыйақы мөлшерлемесін бекітті. Теңгемен депозит ашқысы келетін азаматтар үшін жаңа салымдар бойынша шарттар 1 қазаннан өзгереді.
Бұл күнге дейін ашылған салымдарға бұрынғы келісімшарттар бойынша қызмет көрсетіледі. Сыйақы мөлшерлемесі салымның мерзімі мен түріне, мерзімінен бұрын шешіп алу мен толықтырып отыру құқығына байланысты сараланады.
Өтімділігі мен табыстылығы бойынша түрлі деңгейдегі салымның үш санаты болады. Банк клиенттері өз жинақтарын жедел, жедел емес және жинақ депозиттеріне сала алады.
Жедел емес салымдардың табыстылығы ең төмен болады. Бірақ салымшы депозиттегі ақшасын кез келген уақытта шешіп алу мүмкіндігіне ие. Ал жедел салымдардан ақшаны алу қиынырақ болады, бірақ табыстылығы жағынан тиімді болады. Жинақ депозиттерінің табыстылығы ең жоғары, есесіне ақшаны мерзімінен бұрын шешіп алу талаптары қатаң болады.
1 қазаннан бастап 65 мыңнан астам қазақстандық кәсіпкер әдеттегі кассалық аппаратты онлайн аппаратқа ауыстыруға мәжбүр.
Бизнесмендер бұл норманы орындамаса, оларға айыппұл салынады. Жаңа ережені бұзғаны үшін салынатын айыппұлдың мөлшері 15 айлық есептік көрсеткішті (36 075 теңге) құрайды.
Дереккөз: https://sputniknews.kz
