Жалағаш аудандық сотында баспасөз мәслихаты өтті. Оған сот төрағасы А.Мизанбаев, кеңсе меңгерушісі А.Алтынбаев қатысты.

Кездесуде қылмыстық, азаматтық, әкімшілік құқық бұзушылық істер бойынша өткен жылдың мезгілімен салыстыру көрсеткіштері айтылды. Жалағаш аудандық сотында барлығы 179 адамға қатысты 130 қылмыстық іс, 466 азаматтық іс және 364 әкімшілік іс қаралған. Қаралған 364 тұлғаға қатысты әкімшілік істің ішінде 7 ескерту, 164 айыппұл, 56 әкімшілік қамау, 33 арнайы жүргізу құқығынан айыру әкімшілік жазалары қолданылды. Сондай-ақ 74 адамға қатысты әкімшілік іс өндірістен қысқартылған. Барлық істер бойынша қарау тәртібі мен мерзімдері бұзылмаған. Сонымен қатар медиация тәртібімен 66 қылмыстық іс, 68 азаматтық іс және 43 әкімшілік іс қысқартылды.