Бүгінде өзекті мәселелердің бірі – көлеңкелі экономиканың деңгейін төмендету, бизнесті инвестициялауға ынталандыру, қарапайым әрі түсінікті салық кодексі арқылы салық саясатын жетілдіру. Осы мақсатта ҚР бірнеше заңнамалық актісіне өзгерістер мен толықтырулар енгізілді. Соның бірі Әкімшілік құқық бұзушылық туралы ҚР 2014 жылғы 5 шілдедегі № 235-V Кодексі.

Салықтық тексеруге қатысты бұл Кодекстің 278-бабының 1-тармағында салықтардың және басқа да міндетті төлемдердің сомаларын декларацияда, есеп-қисапта, тауарларды әкелу және жанама салықтардың төленгені туралы өтініште кемітіп көрсету, егер осы әрекетте қылмыстық жазаланатын іс-әрекет белгiлерi болмаса, жеке тұлғаларға – 10 АЕК мөлшерiнде, жеке нотариустарға, жеке сот орындаушыларына, адвокаттарға, шағын кәсіпкерлік субъектілеріне немесе коммерциялық емес ұйымдарға салықтың және бюджетке төленетiн басқа да мiндеттi төлемдердiң есепке жазылған сомасының – бұрын 15%-ы болса, қазір  20%-ға өзгертілді, орта кәсіпкерлік субъектілеріне – бұрын 30%-ы болса, қазір 50%-ға, ірі кәсіпкерлік субъектілеріне бұрын 50%-ы болса, қазір 80% мөлшерiнде айыппұл салынатын болды. Бұл өзгерістер бизнесті «көлеңкеден» шығаруға, сыбайлас жемқорлық аспектілерін жоюға ықпал етуі тиіс.