Ә.Тәжібаев атындағы облыстық әмбебап ғылыми кітапханасында «Ел жүрегі – Нұр-Сұлтан» атты кітап көрмесі  ұйымдастырылды.

Мақсаты – ҚР Тұңғыш Президенті Н.Назарбаевтың тәуелсіз Қазақстанның қалыптасуы мен дамуындағы тарихи рөлін, Елорданың өткені, бүгіні мен болашағы, өркендеуі туралы шығармаларын насихаттау. Көрмеге Н.Назарбаевтың әр жылдары жарық көрген «Әділеттің ақ жолы», «Ғасырлар тоғысында», «Бейбітшілік кіндігі», «Тарих толқынында», «Еуразия жүрегінде», «Қазақстан жолы», «Сындарлы он жыл», «Тәуелсіздік белестері», «Тәуелсіздік дәуірі», Қ.Сұлтановтың «Елбасы және Қазақ мемлекеттігі», «Мәңгілік Ел – Қазақстан», «Біздің Президент», М.Қасымбековтың «Елін сүйген, елі сүйген Елбасы», А.Сәулебектің «Елбасының алтын бесігі», «Әлем Қазақстан туралы. Әлем Президент туралы: хроника, оқиғалар, айғақтар», А.Гафоровтың «Еліне елеулі Елбасы», С.Түгелдің «Астана хикаялары», «Қазақстан: Фотоальбом» еңбектері  қойылды.