Қорқыт Ата атындағы ҚМУ-да «Түлектер кубогы» КВН фестивалі өтті.

Фестивальге іргелі оқу орнында 2000-шы жылдан бастап білім алған түлектерден құралған 7 команда өнер көрсетті. Атап айтсақ, «WEST» жігіттері, «ҚМУ» құрамасы, «Қорқыт» жастары, «Қорқыт» құрамасы, «Қазақтың қазағы», «Қорқыт қырандары», «Час-пик» командалары.

Аталған топтардың ішінде ұтымды әзілдерімен халықтың ықыласына ие болып, бас жүлдені «Түлектер кубогы» Час-Пик командасы иеленді. Ал үздік ойынша номинациясына лайықты деп «Қазақтың қазағы» тобының ойыншысы Руслан Құрманов танылды. Айта кетейік, жеңімпаз топ университет сахнасында он жыл бұрын өнер көрсеткен. Тартысқа толы әзіл кеші көрермендер көңілінен шықты. Әрбір командаға деген көрермен ықыласы ерекше болды.