Мұрат Қожа қыздарымен қарым-қатынасы туралы айтып берді, деп хабарлайды «Қарақатпен шай» бағдарламасы.

Мұрат Қожа бұрынғы отбасы жайлы айтып берді. Әнші әлі де болса қыздары кешіреді деп үміттенетін көрінеді.
«Қыздарым кешіреді деп сенемін. Мен жаман әке болған жоқпын. Қыздарым қай кезде де еркелетіп, беттерінен қақпай өсірдім, бірауыз қатты сөз айтқан жоқпын», - дейді әнші.

Халықтың арасында жүрген алып қашпа сөздерді де жасырмады ол. Ұл болмады деп тастап кетіп еді, Құдайдың қарғысына ұшырады деп айтатындар да бар көрінеді.
«Біреулер ұл болмады деп тастап кетіп еді, Құдайдың қарғысына ұшырап, төртіншісі де қыз болды деп айтып жатады. Өйтіп бөлген ештеңесі жоқ. Құдайдың бергені», - дейді Мұрат Қожа.