Бүгін аудандық орталық кітапханада «Жастар ресурстық орталығы» КММ-нің ұйымдастыруымен Елбасының «Болашаққа бағдар: рухани жаңғыру» бағдарламасын жастар арасында насихаттау мақсатында Нартай Бекежановтың төл шәкірті Нартай мұраларын зертеушісі Арзулла Молжігітовке 90 жыл толуына орай, ақынның құрметіне арналған шығармашылық кеші өтті. Кешті «Жастар ресурстық орталығы» КММ-нің кеңесшісі Қаппаров Ынтымақ Боранбайұлы жүргізді.

        Кеш қонақтары аудандық оқушылар үйінің әдіскері, Арзулла Молжігітовтің шәкірті Рахметулла Жолтаев, аудандық әуез мектебінің ұстазы, Нартай әндерін орындаушы Нұртілек Ақтаев кейіпкердің шығармашылығы мен өмірі жөнінде толық мәлімет айтып берді.

        Нұртілеқ ақынның шығармашылығынан әндер орындады.

Шара соңы жастардың сұрақ жауабына ұласып, естелік суретке түсумен аяқталды.