Алматыда белгілі спортшы, Сочи олимпиадасының қола жүлдегері Денис Тенге ескерткіш қойылды. Оның салтанатты ашылу рәсіміне спортшының туыстары мен достары, белгілі спортшылар мен өнер қайраткерлері жиналды. Биіктігі 3 метрге жуық қола мүсінді ресейлік мүсінші Матвей Макушкин жасаған. Ол бұған дейін Алматыда әнші Виктор Цойдың да ескерткішін орнатқан еді. Ал Денистің қола мүсіні Құрманғазы мен Байсейітов көшелерінің қиылысындағы саябаққа қойылды.

Арман Қырықбаев, қала әкімінің орынбасары:

- Денистің жеткен биіктері барша қоғамды және біздің жастарымызды биіктерге жетелесін деген мақсатпен осыны жасап отырмыз.