"Құдайдың берген белгісі": Ер адам 40 жыл бойы шашын жуып, қимаған
Үндістанның Мунгер округінде ер адам 40 жыл бойы шашын жумаған әрі қимаған екен. Оның шашы өте ұзын болып өсіп кеткен.
63 жастағы Сакал Дев Тудду 40 жыл бұрын ұйықтап жатқан кезде, шашының ұйысып қалғанын еске алады. Ол мұны Құдайдың берген белгісі деп түсініпті. Айтуынша, жаратушы оған түсінде келіп, шашын қиюға тыйым салатын көрінеді. Артынша ер адам дін ережелеріне бағынып, ішімдік пен шылымды тастаған.
Дев Тудду көшеге шыққан кезде біртұтас болып ұйысқан шашын төбесіне жинап, оған ақ мата жауып жүреді. Бұл шашым еденге тиіп, кірлемеуі үшін, дейді.
Ол Рупия Деви есімді әйелмен шаңырақ көтерген. Бүгінде олардың үш ұлы, үш қызы және 7 немересі бар.
