ИНТЕЛЛЕКТУАЛДЫҚ ОЙЫН ӨТТІ

Ә.Тәжібаев атындағы әмбебап ғылыми кітапхана ғимаратында Қаларалық діни орта жастарымен "Дәстүрлі дінім діңгегім, салт-дәстүрім − тірегім" атты мешіт жамағаттары арасындағы интеллектуалдық ойыны өтті.

Шараға мешітте дәріс алушы шәкірттер мен қала тұрғындарынан құралған 8 топ қатысты. Олар түрлі діни тақырыптағы сауалдарға жауап берді. Ұшқыр ой зеректігі мен діни сауаттылықтары сыналды. Имамдар мен ғалымдардан құралған әділ-қазылар аласы жеңімпаздарды анықтады. Нәтижесінде "Ақмешіт-Сырдария" орталық мешітінің тобы I орынды6 "Мүсірәлі Ата" мешіті II орынды иеленді. Ал жүлделі III орынды Қарауылтөбе ауылдық округінің мешіт жамағатты еншіледі. Жүлделі орын алған командалар бағалы сыйлықтармен марапатталды. Сайысты облыстық ішкі саясат басқармасы "Дін мәселерін зерттеу орталығы" КММ-сі және "Азаматтардың бастамаларын қолдау қоры" ұйымдастырған.