Бүгін 08 сағат 57 минут шамасында Шымкент-Самара тас жолында орналасқан «Оазис» кафесі тұсында жол көлік оқиғасы орын алған.

Орын алған оқиға бойынша «Оазис» кафесінен шығып келе жатырған Mercedes-benz мемлекеттік нөмірі K643OCB/13 жүк көлігі тіркемесі бар Шымкент-Самара тас жолында келе жатырған Toyota Еstima 7 орындықты жеңіл автокөлігімен соқтығысқан.

Mercedes benz жүк көлігінің жүргізушісі Нұржан Тәуірбай Жүнісұлы 1962 ж.т Түркістан қаласы, Желтоқсан көшесі №11 үй тұрғыны.

Toyota Еstima автокөлігінде Қырғызстан Республикасының 8 азаматы болған. Оқиға салдарынан 4 адам қайтыс болған. 4 азамат Жосалы кентіндегі аудандық ауруханаға жатқызылған. Жағдайлары орташа ауыр. Автокөліктің мемлекеттік номері kz 04962 ASK.

Оқиға орнында аудандық полиция бөлімінің қызметкерлері анықтау жұмыстарын жүргізуде. Қайтыс болған және ауруханаға жатқызылған азаматтардың мәліметтері анықталып, қосымша хабарлама берілетін болады.

Қармақшы ауданы әкімінің аппараты