Қызылорда облыстық  «Ақмешіт жастары» газетінің орынбасары Гүлбану Мақажан, Абай Құнанбаевтың туған күні қарсаңында ақынның «Махаббатсыз дүние бос» атты өлеңін оқып берді. Ақынның мерейтойымен құттықтаған видеоны өзінің Facebook әлеуметтік желісіндегі парақшасына жариялады. Димаштың тыңдарманы ретінде Абай өлеңдерін оқу эстафетасын қабыл алған ол, әрі қарай журналист Бекзат Жүсіпке, Қазақстанның Франциядағы елшілігінде кеңесші, талантты күйші Мұрагер Сауранбаевқа, Қызылорда облыстық жеке сот орындаушылардың өңірлік палатасының басшысы Нұрымжан Саимовқа, облыстық құрылыс, сәулет және қала құрылысы басқармасы басшысының орынбасары Арнұр Нұрмағамбетовке және Қармақшы ауданы әкімінің орынбасары Еркебұлан Меңлібаевқа жолдады. Журналист Абай өлеңін оқуға шақырғандар арасында танымал продюссер Баян Алагөзовада бар.