Үлкенді жамандама – оның қадірін жасың ұлғайғанда білесің, кішіні жамандама – оның арынын сөзің өтпегенде білесің.

Қызмет – белгілі уақыттағы бақ.

Қыз өсірсең қазығыңды қашыққа қағасын, ұл өсірсең қасиетіңді ошақта қалдырасың.

Жаманның да жан жадыратар жылылығы болады.

Балта да барыңда батыл.

Көңіл жеткенге көз жетпейді.

Өсекте өсиет жоқ, өтірік көп.

Ақыл іздесең Абайды оқы.

Әйелдің жылылығын алпыс жастан асқан соң аңғарасың.

Сыйласу – сырласуға сүйеу.

Қайғыны бөлісу – қасіреттен құтқарады, көңіл сұрау – азаптан арашалайды.

Өлмеймін десең өшпейтін іс жаса.

Ақша жинаған алысқа барады, ақшасын аяған жалаң аяқ қалады.

Арба айдаған аштан өлмейді, кәсіп игерген көштен қалмайды.

Баймын – тірлігі бар тірімін, кедей емеспін – келешегім бар!

Аурудың алдын алса асқынбайды.

Жіліктен май кетсе жігіне жарақат жұққыш келеді.