Қалалық мәдениет және тілдерді дамыту бөлімі және «Социум-Қызылорда» қоғамдық бірлестігінің ұйымдастыруымен орталық алаңдағы «Өнер арбатында» «Қызылорда – менің көзіммен» атты фотосурет көрмесі өтті.

Аталған фотокөрмені тамашалауға келген қала қонақтары мен тұрғындарының санында шек болмады. Олар кәсіби суретшілердің қаланың көрікті жерлерін тап басып жеткізген туындыларын тамашалап, баға берді.

Көрме қорытындысы бойынша тәжірибелі фотограф Нұрболат Нұржаубай жеңімпаз атанды. Ал, ІІ орынды Анар Бармақова еншілесе, ІІІ орынға Ақтөбе қаласынан осы көрмеге қатысуға арнайы келген Алла Исламова лайық деп танылды. Жеңімпаздар қалалық Мәдениет және тілдерді дамыту бөлімі басшысының арнайы қаржылай сыйлығымен марапатталды.