Қазалы аудандық орталық ауруханасында және аудандық мәдениет үйінде «Құқықтық сана және мәдениет» тақырыбында сұхбат алаңы өтті.

     Шараға аурухана қызметкерлері, мәдениет, білім саласының мамандары, мемлекеттік қызметкерлер қатысты. Сұхбат алаңының негізгі мақсаты тұрғындар арасында тұрмыстық сыбайлас жемқорлық пен құқық бұзушылықтың алдын алу болып табылады.
   Кездесуде «Самұрық» инновациялық идеяларды дамыту орталығы» қоғамдық қорының директоры, заң ғылымдарының магистрі Ж.Тұсмағамбетов, заңгер Ж.Алтынбасова тақырыптық хабарламалар жасап, қатысушылардың сауалдарына жауап берді. Шараны облыстық ішкі саясат басқармасы мен «Самұрық» инновациялық идеяларды дамыту орталығы» қоғамдық қорының ұйымдастырған.