89 азамат есепке алынды

    Қызылордада Ішкі істер министрлігінің нұсқауына сәйкес, ағымдағы жылдың 15 қыркүйегінен бастап 10 желтоқсан аралығында облыс көлемінде «Учаске» жедел профилактикалық іс-шарасы өтуде.

Іс-шараның басты мақсаты - әкімшілік аймақта қылмыс пен құқық бұзушылықты болдырмау, учаскелік полиция инспекторларының және жалпы ішкі істер органдарының имиджі мен беделін көтеру, халық арасындағы сенімін арттыру, тығыз қарым-қатынасты орнату, заңсыз қаруларды анықтау және көші-қондылыққа бақылау жасау мақсатында әрбір пәтер мен жеке үйлерді аралап, тұрғындар жайлы ақпарат жинақтау болып табылады.
Іс-шара барысында барлығы 12104 тексерістер жүргізілсе, оның ішінде 3615 пәтерлер және 8489 жеке меншік үйлер араланды.
Тексеру барысында, облыс көлемінде барлығы 7 пәтер заңсыз жалға ұсынылып жатқандығы анықталып, олар бойынша шешім қабылдау мақсатында құжаттар жинақталып, жергілікті жерлердегі мемлекеттік кірістер басқармаларына ұсыныстар жолданды.
Сонымен қатар, белгілі тұрақты жері жоқ 17 тұлға ұсталып, қабылдау тарату орындарына жатқызылды. Ішкі істер органдарының профилактикалық және тізімдік есебінде тұрған 547 тұлғалардың тұрғылықты мекен-жайларынан тексеру жұмыстары жүргізіліп, олармен қылмыстарды қайта жасамау бағытында профилактикалық әнгімелер жүргізілді.
Сонымен қатар, іс-шара барысында барлығы 89 тұлға ішкі істер органдарының әр түрлі санаттарымен профилактикалық есебіне алынды. Облыс көлемінде көші-қон заңнамаларын бұзудың 99 дерегі анықталып әкімшілік хаттамалар рәсімделсе, 1 азамат елімізден тыс шығарылды.Сонымен қатар, барлығы 1128 әкімшілік құқық бұзушылық деректері анықталып, олар бойынша тиісті шешім қабылданды.

Қызылорда облысы Полиция департаментінің баспасөз қызметі