» » Жергілікті жұмысшыға 568 теңге, шетелдікке 6 500 теңге: Министр Атыраудағы жалақы айырмашылығы туралы

Жергілікті жұмысшыға 568 теңге, шетелдікке 6 500 теңге: Министр Атыраудағы жалақы айырмашылығы туралы

   Еліміздің еңбек және халықты әлеуметтік қорғау министрі Біржан Нұрымбетов қазақстандық және шетелден тартылатын мамандардың жалақысының айырмашылығы туралы айтты, деп хабарлайды «ҚазАқпарат».

Министр «Болашақ-Атырау» ЖШС мұнай мен газ өндіру зауытына барды. Ол сапар барысында журналистердің сұрағына жауап берді. Өз сөзінде Нұрымбетов 50-ден астам шетелдік маман жұмыс істейтін қазақстандық кәсіпорындар еңбек министрлігі мен бас прокуратурамен тексерілетінін мәлімдеді.

Еңбек және халықты әлеуметтік қорғау министрлігінің мәліметінше, елімізде 2 425 компания бекітілген квота бойынша шетелдік жұмысшыларды тартып отыр. Аталған кәсіпорындарда 530 мыңнан аса қазақстандық жұмыс істеуде.

Нұрымбетовтың айтуынша, биылғы жылдың қазан айының ортасына дейін 49 кәсіпорын тексеріліп, комиссия 791 бұзушылықты анықтапты. 24 кәсіпорында қазақстандық және шетелдік мамандарға жалақы мен сыйақы төлеуге қатысты 476 бұзушылық анықталған.

«Осылайша, Атырау облысындағы «Мұнақұрылысқызметі ЛТД» ЖШС-да жергілікті инженереге 568 теңге көлемінде сағаттық тарифтік мөлшерлеме белгіленген. Ал осындай қызметтегі шетелдік жұмысшыға 6 500 теңге белгіленіпті. Мұндай тәжірибеге жол беруге болмайды», - дейді еңбек министрі.

Біржан Нұрымбетов қазақстандық және шетелдік жұмысшылардың еңбек жағдайы мен жалақысы тең болуы керектігін ескертті.
14 қазан 2019 ж. 457 0

PDF нұсқалар мұрағаты

46-375

19 қараша 2020 ж.

45-374

12 қараша 2020 ж.

44-373

05 қараша 2020 ж.

Жаңалықтар мұрағаты

«    Тамыз 2022    »
ДсСсСрБсЖмСбЖс
1234567
891011121314
15161718192021
22232425262728
293031