Мемлекет басшысы Қасым-Жомарт Тоқаев «Сындарлы қоғамдық диалог ‒ Қазақстанның тұрақтылығы мен өркендеуінің негізі» атты Жолдауында  ұстаздардың әлеуметтік жағдайына баса назар аударды.  Президент алдағы төрт жыл ішінде мұғалім жалақысы екі есеге көбейетінін, 2020 жылдың 1 қаңтарынан бастап жалақы көлемі 25 пайызға өсетінін айтты. Президенттің бұл ұсынысы қоғам арасында қызу талқыланып, ұстаздар қауымын ерекше қуанышқа бөледі. Қай кезеңде болмасын мұғалім мәртебесі ‒ мемлекеттің абыройы екені анық. Келешек өскелең ұрпақты ізгі біліммен, өнегелі тәрбиемен өсіріп, болашаққа бағдар беретін оқытушалардың әлеуметтік жағдайы түзелсе, елімізде саналы ұрпақтың қатары көбейері рас.