Шаһарымыздың сұлу қыздары қандай? Бұл сұраққа жастар театрында алғаш сахналанған «Қызылорданың қыздары» атты қойылым жауап толығымен жауап берді. Сұлтанәлі Балғабаевтың ғажап туындыларының қатарында ерекшесі осы болды. Қала әкімдігінің және «Жастар театрының» қолдауымен өткізілген қойылым көрерменнің жүрегінін әп-сәтте орын алып үлгерді.

Оқиға барысы төмендегідей өрбиді. Сонау Қарағанды қаласынан келген қос серік Мәди мен Айдын Қызылорда сұлуларына таңқалғаны сонша, оларды қазақы салтпен алып қашқысы келеді.  Мәди айдай әсем Жанайым атты бойжеткенге ғашық болып қалады. Ал Мария есімді орыс қызын ұнатып қалған Айдынның құйтырқы әрі күлдіргі әрекеті қойылым барысында көрерменді күлкіге қарық қылды. Оқиға соңында қалың жұртшылық керемет әнмен тербеліп,  жастардың бақытына куә болды. Қойылымның өз мазмұнын жоғалтпай көрерменге жоғары дәрежеде жеткізе білген театр актерлері осылайша көрермен қошеметіне бөленді. Жалпы республикалық сахнада өнер көрсетіп жүрген «Жастар театры» бұл жолы да кәсібилігін дәлелдеді.