КӨШПЕЛІ ЖАСТАР КЕҢЕСІ ӨТТІ

  "Биыл – Жастар жылы. Айтулы жылда көптеген жұмыстар атқарылды. Мұнымен тоқтап қалмаймыз", –  деді Талаптан ауылдық округінде өткен көшпелі жастар кеңесінде аудан әкімі Ә.Оразбекұлы.

Кеңеске дербес бөлім, мекеме басшылары, кент және ауылдық округ әкімдері, жастар қоғамдық бірлестігінің жетекшілері мен жастар өкілдері, жастармен жұмыс істейтін мамандар қатысты. Кеңес отырысының күн тәртібінде 3 хабарлама тыңдалды. Халықты жұмыспен қамту орталығының директоры А.Алдабергенов "Еңбек" нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасы аясында аудан көлеміндегі жұмыссыз жастарға көрсетілген қолдау, атқарылған жұмыстарды баяндады. Сондай-ақ  Талаптан ауылдық округінде мемлекеттік жастар саясатын жүзеге асыру туралы ауылдық округі әкімі А.Өмірәлі сөз етті. Сөз соңында аудандық Жастар ресурстық орталығы директоры Шахмардан Нығметов Мемлекет басшысы Қасым-Жомарт Тоқаевтың 2019 жылғы 26 тамыздағы Жарлығымен 2020 жыл – Еріктілер жылы болып жариялануына байланысты атқарылатын жұмыстарды пысықтады.  

Аталмыш кеңесте жастарға қатысты мәселені шешу жолы қарастырылды. Сонымен бірге сала басшыларына тапсырма берілді.