Желіде тарап кеткен видеода өрт кезінде қасиетті кітаптың тұтанбай, сол күйінде қалғаны айтылады, деп хабарлайды https://syrboyi.kz/

Мұсылмандардың қасиетті кітабы – Құран өрт шыққан үйде жанып кетпей, сол қалпы бүтін қалған, деп хабарлайды оқиға куәгерлері.

Желіде тарап кеткен видеода автор өрттен  жанып кетпей, бүтін қалған Құранды көрсетеді. 

Айта кету керек, 11 қараша күні 5 жарымдар шамасында 112 нөміріне Қызылорда қаласының Қорқыт ата көшесіндегі №170 үйден өрт шыққаны жөнінде хабарлама келіп түсті.

Облыстық төтенше жағдайлар департаменті өрт сөндіру және авариялық құтқару қызметінің баспасөз қызметінің хабарлауынша, өрт сөндіру қызметінің бірінші жауынгерлік есебі оқиға орнына барлау жүргізді. Нәтижесінде жалпы ауданы 150 шаршы метр болатын тұрғын үйдің үстіңгі жабыны мен тұрмыстық заттары жанғаны анықталды.