«Азаматтарға арналған үкімет» мемлекеттік корпорациясы «Жыл үздігі – 2019» номинациясымен марапатталды

Жаңа жыл - барша жұрт айрықша сезіммен, көтеріңкі көңілмен қарсы алатын жарқын мейрамның бірі ғана емес, сонымен бiрге атқарған iстерiмiздiң қорытындыларын шығаратын және алға жаңа мақсаттар қоятын мереке.

Осыған орай Арал ауданында дәстүрлі түрде өтетін «Жаңа - жыл, жаңа - ай, жаңа - күн атты!» атты жылдық қорытынды шарасы болып өтті.

Мерекелік кеште аудан әкімі Оразбаев Мұхтар Әуесұлы осы жылда атқарылған жұмыстарға шолу жасап, кеш қонақтарын алдағы келе жатқан мерекемен құттықтады.

Салтанатты шара барысында Мұхтар Әуесұлы жыл үздіктерін арнайы номинациялармен марапаттап, ауданның дамуына қосқан үлестері үшін өз алғысын білдірді.

Кеш аясында Жылдың үздік қызмет көрсетуші үйымы болып «Азаматтарға арналған үкімет» мемлекеттік корпорациясы» КЕ АҚ Қызылорда облысы бойынша филиалының Арал аудандық бөлімі «Жыл үздігі - 2019» номинациясымен марапаттады.

Бұл марапат Арал аудандық бөлімінің үлкен жетістіктерінің бірі болып саналады. Біздің міндет – Сіздерге адал қызмет!

SANALY QYZMET – SAPALY NATIJE