Досыңа кітап сыйла
№9 дарынды балаларға арналған облыстық "Білім-инновация" лицей-интернаты кітапханасында «Bookcrossing» акциясы өткізілді. Bookcrossing – ағылшын тілінен аударғанда «кітапты айналымға шығару» немесе «кітап сыйлау» деген мағынаны білдіреді. Бұл жолғы акцияға лицейдің7-9 сынып оқушылары қатысты.Акция шарты бойынша шараға қатысушы әрбір адам өзі оқып-танысқан кітабын жақын досына ұсынып, өзі де келесі оқырманнан бір кітапты сыйға алады. Оқушылардың барлығы көркем әдебиет кітаптарын ала келген. Олардың әрқайсысы өздері оқыған, белгілі жазушылардың туындыларынан қысқаша мазмұндама айтты. Сонымен қатар оқырманды қызықтыру үшін тиімді тұстарына да тоқталды.
